കർഷക ക്ഷേമത്തിനായി സർക്കാർ നിരവധി നടപടികൾ സ്വീകരിച്ചിട്ടുണ്ടെന്ന് കൃഷി മന്ത്രാലയം.

കർഷകരുടെ ക്ഷേമം ഉറപ്പാക്കാൻ സർക്കാർ നിരവധി നടപടികൾ സ്വീകരിച്ചിട്ടുണ്ടെന്ന് കൃഷി മന്ത്രാലയം. ഡിപ്പാർട്ട്‌മെന്റ് ഓഫ് അഗ്രികൾച്ചറൽ റിസർച്ച് ആൻഡ് എജ്യുക്കേഷൻ (DARE) ഉൾപ്പെടെയുള്ള കൃഷി, സഹകരണ വകുപ്പുകൾക്കുള്ള ബജറ്റ് വിഹിതം പലമടങ്ങ് വർധിച്ചതായി മന്ത്രാലയം ഊന്നിപ്പറഞ്ഞു. 2013-14ൽ 27,662.67 കോടി രൂപയായിരുന്ന ബജറ്റ് വിഹിതം 2023-24ൽ ഒരു ലക്ഷത്തി 25,000 കോടിയായി ഉയർന്നു. പിഎം-കിസാൻ 2019-ൽ ആരംഭിച്ചതായും നേരിട്ടുള്ള ആനുകൂല്യ കൈമാറ്റത്തിലൂടെ 11 കോടിയിലധികം കർഷകർക്ക് ഇതുവരെ 2.81 ലക്ഷം കോടിയിലധികം അനുവദിച്ചിട്ടുണ്ടെന്നും മന്ത്രാലയം എടുത്തുപറഞ്ഞു.