തങ്ങളുടെ അഭിലാഷങ്ങൾ പുനർവിചിന്തനം ചെയ്യുന്ന ഒരു സമ്പദ്‌വ്യവസ്ഥയുടെ ഉത്തേജകവും അടിത്തറയും ഇന്ധനവുമാണ് സാമ്പത്തിക മേഖലയെന്ന് കേന്ദ്ര സഹമന്ത്രി സഹമന്ത്രി രാജീവ് ചന്ദ്രശേഖർ

തങ്ങളുടെ അഭിലാഷങ്ങൾ പുനർവിചിന്തനം ചെയ്യുന്ന ഒരു സമ്പദ്‌വ്യവസ്ഥയുടെ ഉത്തേജകവും അടിത്തറയും ഇന്ധനവുമാണ് സാമ്പത്തിക മേഖലയെന്ന് കേന്ദ്രസഹമന്ത്രി രാജീവ് ചന്ദ്രശേഖർ അറിയിച്ചു. കഴിഞ്ഞ ദശകത്തിൽ ഇന്ത്യയുടെ സാമ്പത്തിക, ബാങ്കിംഗ് മേഖലയിലെ ഘടനാപരമായ പരിഷ്‌കാരങ്ങൾ രാജ്യത്തിൻ്റെ മൊത്തത്തിലുള്ള സാമ്പത്തിക വളർച്ചയ്ക്ക് കാര്യമായ സംഭാവന നൽകിയിട്ടുണ്ടെന്ന് കൗൺസിൽ ഫോർ ഇന്റർനാഷണൽ ഇക്കണോമിക് അണ്ടർസ്റ്റാൻഡിംഗ് ന്യൂഡൽഹിയിൽ നടത്തിയ ഇന്ത്യ ബാങ്കിംഗ് കോൺക്ലേവിനെ അഭിസംബോധന ചെയ്തുകൊണ്ട് ചന്ദ്രശേഖർ പറഞ്ഞു. പരമ്പരാഗത വ്യവസായങ്ങൾക്ക് പുറമെ, രാജ്യത്തിൻ്റെ വളർച്ചയുടെയും നിക്ഷേപങ്ങളുടെയും തൊഴിലവസരങ്ങളുടെയും വലിയൊരു ഭാഗം സ്റ്റാർട്ടപ്പുകളിൽ നിന്നാണ് വരുന്നതെന്നും അദ്ദേഹം കൂട്ടിച്ചേർത്തു. രാജ്യത്ത് വികസിച്ചുകൊണ്ടിരിക്കുന്ന വായ്പാ ആവാസവ്യവസ്ഥയെ അഭിനന്ദിച്ച ചന്ദ്രശേഖർ, ഇന്ത്യയിൽ ഒരു ലക്ഷത്തിലധികം സ്റ്റാർട്ടപ്പുകളും 100-ലധികം യൂണികോണുകളുമുണ്ടെന്ന് പറഞ്ഞു. ഫിൻ‌ടെക് പ്ലാറ്റ്‌ഫോമുകളിൽ നിയമപരമായ ഉത്തരവാദിത്തം ഉറപ്പാക്കുന്നതിന് സാങ്കേതിക വിദ്യയുമായി ബന്ധപ്പെട്ട നവീകരണങ്ങൾക്കായി ഗാർഡ്‌റെയിലുകൾ സൃഷ്ടിക്കുന്നതിൽ സർക്കാർ വിശ്വസിക്കുന്നതായി മന്ത്രി പറഞ്ഞു.