സമുദ്ര വിഷയങ്ങളെക്കുറിച്ചും ദക്ഷിണ ചൈനാ കടലിനെക്കുറിച്ചും ചർച്ചകൾ നടത്തി അമേരിക്കയും ചൈനയും

ദക്ഷിണ ചൈനാ കടൽ ഉൾപ്പെടെയുള്ള സമുദ്ര വിഷയങ്ങളിൽ അമേരിക്കയും ചൈനയും ചർച്ച നടത്തി. ദക്ഷിണ ചൈനാ കടലിലെ അപകടകരവും നിയമവിരുദ്ധവുമായ ചൈനീസ് നടപടികളെക്കുറിച്ചുള്ള ആശങ്കകൾക്ക് യുഎസ് അടിവരയിട്ടു. ഡിപ്പാർട്ട്‌മെന്റിൻ്റെ ചൈന കോർഡിനേറ്റർ മാർക്ക് ലാംബെർട്ടും അതിർത്തി, സമുദ്രകാര്യങ്ങൾക്കായുള്ള ചൈനയുടെ ഡയറക്ടർ ജനറൽ ഹോംഗ് ലിയാംഗും തമ്മിൽ ബീജിംഗിൽ ചർച്ച നടന്നതായി യുഎസ് സ്റ്റേറ്റ് ഡിപ്പാർട്ട്‌മെന്റ് അറിയിച്ചു. നവംബർ മധ്യത്തിൽ സാൻഫ്രാൻസിസ്കോയിൽ നടക്കുന്ന അപെക് ഉച്ചകോടിയുടെ ഭാഗമായി യുഎസ് പ്രസിഡന്റ് ജോ ബൈഡനും ചൈനീസ് പ്രസിഡന്റ് ഷി ജിൻപിങ്ങും തമ്മിൽ പ്രതീക്ഷിക്കുന്ന കൂടിക്കാഴ്ചയ്ക്ക് മുന്നോടിയായുള്ള സമീപകാല ഉന്നതതല നയതന്ത്രത്തെ തുടർന്നാണ് കൂടിക്കാഴ്ച.