ജെകെഡിഎഫ്പിയെ നിയമവിരുദ്ധ സംഘടനയായി പ്രഖ്യാപിക്കാൻ ട്രൈബ്യൂണൽ രൂപീകരിച്ച് കേന്ദ്രം

ജമ്മു കശ്മീർ ഡെമോക്രാറ്റിക് ഫ്രീഡം പാർട്ടിയെ (ജെകെഡിഎഫ്പി) നിയമവിരുദ്ധമായ സംഘടനയായി പ്രഖ്യാപിക്കുന്നതിന് മതിയായ കാരണമുണ്ടെങ്കിൽ തീർപ്പുകൽപ്പിക്കാൻ കേന്ദ്രം നിയമവിരുദ്ധ പ്രവർത്തന (പ്രിവൻഷൻ) ട്രൈബ്യൂണൽ രൂപീകരിച്ചു. ഈ മാസം അഞ്ചിന് ജെകെഡിഎഫ്പിയെ നിയമവിരുദ്ധ സംഘടനയായി കേന്ദ്ര ആഭ്യന്തര മന്ത്രാലയം പ്രഖ്യാപിച്ചിരുന്നു. ഡൽഹി ഹൈക്കോടതി ജഡ്ജി ജസ്റ്റിസ് സച്ചിൻ ദത്ത അടങ്ങുന്നതാണ് ട്രൈബ്യൂണലെന്ന് മന്ത്രാലയം വിജ്ഞാപനത്തിൽ പറഞ്ഞു.