ഡൽഹിക്കും അയൽ സംസ്ഥാനങ്ങൾക്കും ഇടയിൽ സർവീസ് നടത്താൻ ഇനി ഇലക്‌ട്രിക്, സിഎൻജി, ബിഎസ്-VI ഡീസൽ ബസുകൾക്ക് മാത്രം

ഡൽഹിക്കും അയൽ സംസ്ഥാനങ്ങളായ ഹരിയാന, രാജസ്ഥാൻ, ഉത്തർപ്രദേശ് എന്നിവിടങ്ങളിലേക്കും സർവീസ് നടത്താൻ ഇനി മുതൽ ഇലക്‌ട്രിക്, സിഎൻജി, ബിഎസ്-VI ഡീസൽ കംപ്ലയിന്റ് ബസുകൾ മാത്രം. വായു ഗുണനിലവാരം മെച്ചപ്പെടുത്തുന്നതിനും മലിനീകരണം കുറയ്ക്കുന്നതിനും എൻസിആറിൽ ശുദ്ധവും സുസ്ഥിരവുമായ പൊതുഗതാഗത സേവനങ്ങൾ പ്രോത്സാഹിപ്പിക്കുകയും ചെയ്യുകയെന്ന ലക്ഷ്യത്തോടെ നവംബർ 1 മുതൽ പുതിയ നീക്കം നിലവിൽ വരും. കമ്മീഷൻ ഫോർ എയർ ക്വാളിറ്റി മാനേജ്‌മെന്റ്, CAQM, NCR-ലെ ക്ലീനർ ബസ് സർവീസുകളിലേക്ക് മാറുന്നതിനുള്ള വിശദമായ പ്രവർത്തന പദ്ധതികൾ വികസിപ്പിക്കുന്നതിനായി എൻസിആർ സംസ്ഥാനങ്ങളുമായി നിരവധി മീറ്റിംഗുകൾ നടത്തി. CAQM-ൻ്റെ ആക്ഷൻ പ്ലാൻ അനുസരിച്ച്, 2024 ജൂലൈ 1 മുതൽ എൻസിആർ മുഴുവൻ ഇലക്ട്രിക്, CNG, BS-VI കംപ്ലയിന്റ് ഡീസൽ ബസുകൾ മാത്രമേ ഓടുകയുള്ളൂവെന്ന് പരിസ്ഥിതി മന്ത്രാലയം മുൻപ് പ്രസ്താവന ഇറക്കിയിരുന്നു. രാജസ്ഥാനിലെ എൻസിആർ ഇതര പ്രദേശങ്ങളിൽ നിന്ന് ഡൽഹിയിലേക്കുള്ള ബസ് സർവീസുകളും അടുത്ത വർഷം ജനുവരി മുതൽ ഈ രീതിയിൽ ഉറപ്പാക്കും. സംസ്ഥാന പൊതുമേഖലാ സ്ഥാപനങ്ങളും സ്വകാര്യ സ്ഥാപനങ്ങളും നടത്തുന്ന ബസ് സർവീസുകൾ ഉൾപ്പെടെയുള്ള ഫീൽഡ് തല നിർവ്വഹണത്തിൻ്റെ പതിവ് നിരീക്ഷണത്തിലൂടെ കർശനമായ പാലിക്കൽ ഉറപ്പാക്കാൻ ഡൽഹിയിലെ ഗതാഗത വകുപ്പിനും ട്രാഫിക് പോലീസ് ഡിപ്പാർട്ട്‌മെന്റിനും എല്ലാ എൻസിആർ സംസ്ഥാനങ്ങൾക്കും നിർദ്ദേശം നൽകി. ഡൽഹിയിലും എൻസിആറിലെ മറ്റ് നഗരങ്ങളിലും സർവീസ് നടത്തുന്ന അന്തർ-നഗര, അന്തർ സംസ്ഥാന ബസ് സർവീസുകളുടെ കാര്യത്തിൽ ടാർഗെറ്റുചെയ്‌ത സമയക്രമം കർശനമായി നടപ്പിലാക്കാൻ ഹരിയാന, രാജസ്ഥാൻ, ഉത്തർപ്രദേശ് സർക്കാരുകളോട് കമ്മീഷൻ നിർദ്ദേശിച്ചു.