ഇന്ത്യൻ നേവിയുടെ പുതിയ യുദ്ധക്കപ്പൽ കമ്മീഷൻ ചെയ്തു

ഇന്ത്യൻ നാവികസേനയുടെ പ്രൊജക്ട് 17എ ഫ്രിഗേറ്റ് സീരീസിലെ ഏഴാമത്തെ യുദ്ധ കപ്പലായ മഹേന്ദ്രഗിരി കമ്മീഷൻ ചെ‌യ്ത് ഉപരാഷ്ട്രപതി ജഗ്ദീപ് ധൻഖറിന്റെ ഭാര്യ സുദേഷ് ധൻഖർ. സ്റ്റെൽത്ത് ഫീച്ചറുകൾ, നൂതന ആയുധങ്ങൾ സെൻസറുകൾ പ്ലാറ്റ്‌ഫോം മാനേജ്‌മെന്റ് സംവിധാനങ്ങൾ എന്നിവ ഉൾപ്പെടുന്നതാണ് നീലഗിരി ക്ലാസ് സ്റ്റെൽത്ത് ഫ്രിഗേറ്റുകളുടെ 7 യുദ്ധക്കപ്പലുകളിൽ അവസാനത്തേതായ മഹേന്ദ്രഗിരി. സാങ്കേതികമായി അപ്ഡേറ്റ് ചെയ്ത യുദ്ധക്കപ്പലുകൂടിയായ മഹേന്ദ്രഗിരി നിർമിച്ചത് മാസഗോൺ ഡോക്ക് ഷിപ്പ് ബിൽഡേഴ്സ് ലിമിറ്റഡാണ് (എംഡിഎൽ). മഹേന്ദ്രഗിരി ഇന്ത്യയുടെ നാവിക ശക്തിയുടെ അംബാസഡറായി മാറുമെന്നും കടലിൽ ഇന്ത്യയുടെ ത്രിവർണ പതാക അഭിമാനത്തോടെ പാറിക്കുമെന്നും മുംബൈയിൽ നടന്ന ചടങ്ങിൽ ഉപരാഷ്ട്രപതി ജഗ്ദീപ് ധൻകർ പറഞ്ഞു. കരസേനയിലും നാവികസേനയിലും വ്യോമസേനയിലുമായി പതിനായിരത്തിലധികം സ്ത്രീകളുടെ സാന്നിധ്യമുള്ള ഇന്ത്യൻ സായുധ സേന ലിംഗസമത്വത്തിൽ ഗണ്യമായ പുരോഗതി കൈവരിച്ചെന്നും മഹേന്ദ്രഗിരി കമ്മീഷൻ ചെയ്തത് സുപ്രധാന നാഴികക്കല്ലാണെന്നും അദ്ദേഹം പറഞ്ഞു.