ഇന്ത്യൻ സ്വാതന്ത്ര്യ ദിനാഘോഷവും ഇന്ത്യയുടെ ചാന്ദ്രയാൻ 3 ന്റെ ലാൻഡിംഗ് വിജയവും ഗ്ലോബൽ ഇന്ത്യൻ കൗൺസിൽ ആഘോഷിച്ചു.

By: 600008 On: Aug 29, 2023, 7:57 PM

(ഡോ. മാത്യു ജോയ്സ്, ജിഐസി ഗ്ലോബൽ മീഡിയ ചെയർമാൻ)

ലാസ് വെഗാസ്: ഗ്ലോബൽ ഇന്ത്യൻ കൗൺസിലിന്റെ സ്വാതന്ത്ര്യദിനാഘോഷം 2023 ഓഗസ്റ്റ് 26-ന് രാവിലെ 9:00 മണിക്ക് ലോകമെമ്പാടുമുള്ള നേതാക്കൾ ഉൾപ്പെടുന്ന സൂം പ്ലാറ്റ്‌ഫോമിൽ നടത്തപ്പെട്ടു. 76-ാം സ്വാതന്ത്ര്യദിനാഘോഷത്തിന് തൊട്ടുപിന്നാലെ നടന്ന ചാന്ദ്രയാൻ 3 ന്റെ വിജയത്തിന്റെ ആവേശത്തോടെയുള്ള സന്തോഷ പ്രകടനവും നടത്തി.

ഗ്ലോബൽ ഇന്ത്യൻ കൗൺസിൽ പ്രസിഡന്റ് പി.സി.മാത്യു അധ്യക്ഷത വഹിച്ച യോഗത്തിൽ ഗ്ലോബൽ ജനറൽ സെക്രട്ടറി ഹൃദ്യമായ സ്വാഗത പ്രസംഗം നടത്തി. ഡോ. ഗോപിനാഥ് മുതുകാട് മുഖ്യാതിഥിയും ഡോ. ജിജാ മാധവൻ ഹരി സിംഗ് ഐ.പി.എസ്, റിട്ട. (ജിഐസിയുടെ ഗ്ലോബൽ ഗുഡ്‌വിൽ അംബാസഡർ) എന്നിവരുടെ വിലയേറിയ സാന്നിദ്ധ്യം കൊണ്ട് സദസ് ധന്യ മുഹൂർത്തമായി മാറി.

കുമാരി ക്രിസ്റ്റൽ ഷാജൻ (ന്യൂയോർക്ക്) ആലപിച്ച അമേരിക്കൻ ദേശീയ ഗാനത്തോടെയാണ് മീറ്റിംഗ് ആരംഭിച്ചത്. തുടർന്ന് കേരളത്തിലെ ജനപ്രിയ ടിവി സീരിയൽ ഗായികമാരായ അദിതിയും അനന്യയും ചേർന്ന് ഇന്ത്യൻ ദേശീയ ഗാനം ആലപിച്ചു. ഗ്ലോബൽ ട്രഷറർ ഡോ. താരാ ഷാജൻ, പ്രീതി പൈനാടത്ത് (സെക്രട്ടറി ഓസ്റ്റിൻ ചാപ്റ്റർ) എന്നിവരും, കാനഡയിലെ ലണ്ടനിൽ നിന്നുള്ള മിസ് നേഹ ബിജുവും മീറ്റിംഗിന്റെ എംസിമാരായി മനോഹരമായി യോഗം നിയന്ത്രിച്ചു.

ഡോക്ടർ ഗോപിനാഥ് മുതുകാട്, ചന്ദ്രയാൻ 3 ദൗത്യത്തിന്റെ നേട്ടത്തെയും 1947 മുതൽ സ്വാതന്ത്ര്യം നേടിയതിന് ശേഷമുള്ള ഇന്ത്യയുടെ നേട്ടത്തെയും എടുത്തു പറഞ്ഞു കൊണ്ട് പ്രസംഗിച്ചു. "സ്വാതന്ത്ര്യം സമ്പൂർണമാകുമ്പോൾ ചുറ്റുമുള്ള എല്ലാ മനുഷ്യരും എല്ലാ വശങ്ങളിലും സ്വതന്ത്രരായി മാറും". ലോക സമൂഹം ഇപ്പോഴും അംഗീകരിക്കാത്ത ഇന്ത്യയിലെ ഭിന്നശേഷിക്കാരെ പരാമർശിച്ചു സംസാരിക്കുകയായിരുന്നു അദ്ദേഹം. വൈകല്യത്തെക്കുറിച്ചുള്ള സാമൂഹിക അവഹേളനം മാറണം, സമൂഹം അവരെ പക്ഷപാതമില്ലാതെ അംഗീകരിക്കണം. ഇന്ത്യയിലെ ജനസംഖ്യയുടെ ഗണ്യമായ ശതമാനം ആളുകൾ വൈകല്യം അനുഭവിക്കുന്നവർ ആണ്. അത് പലരും ശ്രദ്ധിക്കുന്നില്ല. ഈ അദൃശ്യ ഭൂരിപക്ഷത്തെ അംഗീകരിക്കാൻ കുട്ടികളെ പഠിപ്പിക്കണം. 2023 ഓഗസ്റ്റ് 27 ന് തിരുവനന്തപുരത്ത് "ഡിഫറന്റ് ആർട്സ് സെന്റർ" തുറക്കുമെന്ന് അദ്ദേഹം പ്രഖ്യാപിച്ചു, അതിൽ 300 ഭിന്നശേഷിക്കാരായ കുട്ടികൾ പഠിക്കുന്നു. ഭിന്നശേഷിക്കാരായ കുട്ടികൾക്കായി 'ഇൻഡിപെൻഡന്റ് ലിവിംഗ് സ്‌കിൽ' പരിശീലനം നടത്താനാണ് സെന്ററുകൊണ്ട് ഉദ്ദേശിക്കുന്നത്. ഡോ. മുതുകാടിന്റെ ഉപസംഹാരത്തിൽ, ഗ്ലോബൽ ഇന്ത്യൻ കൗൺസിലിന്റെ കാഴ്ചപ്പാടുകളും ദൗത്യങ്ങളും മികവുറ്റതാണെന്നും അഭിനന്ദനങ്ങൾ അറിയിക്കുന്നതായും എടുത്തു പറഞ്ഞു.

ഗ്ലോബൽ ഗുഡ്‌വിൽ അംബാസഡർ, കർണാടക മുൻ ഡിജിപി ജിജ മാധവൻ ഹരി സിംഗ് ഐപിഎസ്, ജിഐസി കമ്മ്യൂണിറ്റിക്ക് മുമ്പാകെ വരുന്നത് ഒരു ബഹുമതിയാണെന്ന് തന്റെ സന്ദേശത്തിൽ ഊന്നിപ്പറഞ്ഞു. തന്റെ വാചാലമായ സന്ദേശത്തിൽ "ഇന്ന്, നമ്മൾ ആവേശത്തോടെ ഒത്തുചേരുന്നു, നമ്മുടെ പ്രിയപ്പെട്ട സ്വാതന്ത്ര്യദിനം ആഘോഷിക്കാൻ മാത്രമല്ല, നമ്മുടെ രാജ്യത്തിന്റെ ചരിത്രത്തിലെ ശ്രദ്ധേയമായ ഒരു നാഴികക്കല്ലിനെ അനുസ്മരിക്കാനും കൂടിയാണ്.

ഇന്ത്യയുടെ സ്വാതന്ത്ര്യദിനവും ശ്രദ്ധേയമായ ചന്ദ്രയാൻ-3 യും ആഘോഷിക്കുമ്പോൾ, നമ്മുടെ പൈതൃകം ശക്തിയുടെ ഉറവിടമാണെന്നും,നമ്മുടെ വൈവിധ്യം ഏകതയുടെ ഉറവിടമാണെന്നും, നമ്മുടെ സ്വപ്നങ്ങൾ പ്രചോദനത്തിന്റെ ഉറവിടമാണെന്നും നമുക്ക് ഓർമ്മിക്കാം. ഒരു ആഗോള ഇന്ത്യൻ കമ്മ്യൂണിറ്റി എന്ന നിലയിൽ, നമുക്ക് പുതിയ ഗ്രഹങ്ങളിൽ എത്തിച്ചേർ ന്നു മഹത്വം കൈവരിക്കുകയും ചെയ്യാം." എന്ന് പ്രസ്താവിച്ചു.

ഡോ. താരാ ഷാജൻ മുഖ്യാതിഥി ഡോ. ഗോപിനാഥ് മുതുകാടിനെ പരിചയപ്പെടുത്തി, കോമൾ ഖത്രി ഡോ. ജിജാ മാധവൻ ഹരി സിംഗ് ഐപിഎസിനെ പരിചയപ്പെടുത്തി. അഡ്വ.ഡോ.യാമിനി രാജേഷ്, ഗായികമാരായ അദിതിയെയും അനന്യയെയും സദസ്സിനു പരിചയപ്പെടുത്തി.

ഗ്ലോബൽ ക്യാബിനറ്റ് അംഗങ്ങൾ, സെന്റർ ഓഫ് എക്‌സലൻസ് ചെയർമാർ, കോ-ചെയർമാർ, ബ്രാൻഡ് അംബാസഡർമാർ, ചാപ്റ്റർ പ്രതിനിധികൾ എന്നിവർ ചന്ദ്രയാൻ 3 വിജയത്തെ പ്രശംസിച്ചും അഭിനന്ദിച്ചും സംസാരിച്ചു.

ഗ്ലോബൽ വിപി പ്രൊഫ.ജോയ് പല്ലാട്ടുമഠം , അസോസിയേറ്റ് സെക്രട്ടറി അഡ്വ. ഡോ.യാമിനി രാജേഷ്, മീഡിയ ചെയർ ഡോ.മാത്യു ജോയ്സ്, അസോസിയേറ്റ് ട്രഷറർ ടോം ജോർജ്ജ് കോലത്ത്, പി.ആർ.ഒ അഡ്വ. സീമ ബാലസുബ്രഹ്മണ്യൻ (ഓസ്‌ട്രേലിയ) തുടങ്ങിയവർ, 1947 ഓഗസ്റ്റ് 15-ന് സ്വാതന്ത്ര്യദിനം മുതൽ ഇന്ത്യയുടെ നേട്ടങ്ങൾ ഉയർത്തിക്കാട്ടുകയും ചന്ദ്രയാൻ 3-ന്റെ വിജയത്തെക്കുറിച്ചും സ്വാതന്ത്ര്യദിനാഘോഷത്തെക്കുറിച്ചും തങ്ങളുടെ അതിയായ സന്തോഷം പ്രകടിപ്പിക്കുകയും ചെയ്തു.

ആഫ്രിക്കൻ ചാപ്റ്റർ പ്രസിഡന്റ് ഡോ. മോഹൻ ലുംബ, ന്യൂ യോർക്ക് ചാപ്റ്റർ പ്രസിഡന്റ് ഡോ. അനിൽ പൗലോസ്, കള്ളിക്കാട് ബാബു ബ്രാൻഡ് അംബാസഡറും തിരുവനന്തപുരത്ത് നിന്നുള്ള പ്രതിനിധിയും (ദക്ഷിണ കേരള ചാപ്റ്റർ), ഡോ. ദീപ മോഹൻദാസ് (കാനഡ), വനിതാ ശാക്തീകരണ ചെയർ ശോശാമ്മ ആൻഡ്രൂസ്, ഡോ. ആലീസ് മാത്യു (ലാസ് വെഗാസ്), ഹെൽത്ത് ആൻഡ് വെൽനസ് ചെയർമാൻ ഡോ. ജേക്കബ് ഈപ്പൻ, കോ-ചെയർപേഴ്സൺ ശ്രീമതി ഉഷാ ജോർജ്, സിനിമാ & വിഷ്വൽ മീഡിയ റെഡ് കാർപെറ്റ്: കോമൾ ഖത്രി, സുനിൽ ഹാലി, ത്രിലോക് മാലിക്, വാണി മദുല, ഗ്ലോബൽ ബിസിനസ് കോ-ചെയർപേഴ്സൺ എലിസബത്ത് പൗലോസ്, (കല & സംസ്കാരം) തുടങ്ങിയവര് , ചന്ദ്രയാൻ 3 ന്റെ വിജയത്തിലൂടെ നേടിയ ഇന്ത്യയുടെ മഹത്തായ നേട്ടത്തെ അഭിനന്ദിച്ചു.

ഗ്ലോബൽ അസോസിയേറ്റ് ട്രഷറർ ടോം ജോർജ്ജ് കോലത്ത് മുഖ്യാതിഥികളോടും, മുഖ്യ പ്രഭാഷകനോടും, ജിഐസിയുടെ ആഗോള നേതൃത്വത്തോടും പങ്കെടുത്ത ഓരോരുത്തർക്കും ജിഐസിയുടെ പേരിൽ ഔപചാരികമായ നന്ദി രേഖപ്പെടുത്തി.

ബ്രാൻഡ് അംബാസഡർമാരായ സാന്റി മാത്യു, സുപ്രീം കോടതി അഡ്വ. ജോസ് എബ്രഹാം, മാർജിനൽ കമ്മ്യൂണിറ്റി ചെയർമാൻ ഡോ.നാരായണൻ കുട്ടി, അഡ്വ. സൂസൻ മാത്യു, ശിവകുമാർ തുടങ്ങി നിരവധി പ്രതിനിധികൾ ആഘോഷത്തിൽ പങ്കെടുത്തു. പ്രവാസി കോൺക്ലേവ് ഡയറക്ടർ ബോർഡ് അംഗവും യുഎസ്എയിൽ നിന്നുള്ള മുതിർന്ന കമ്മ്യൂണിറ്റി നേതാക്കളിൽ ഒരാളുമായ അലക്സ് കോശി വിളനിലം ഗ്ലോബൽ ഇന്ത്യൻ കൗൺസിലിനും അതിന്റെ ദൗത്യത്തിനും അഭിനന്ദനങ്ങളും ആശംസകളും അറിയിച്ചു. ഗ്ലോബൽ അസോസിയേറ്റ് ട്രഷറർ ടോം ജോർജ്ജ് കോലത്ത് മുഖ്യാതിഥികളോടും, മുഖ്യ പ്രഭാഷകനോടും, ജിഐസിയുടെ ആഗോള നേതൃത്വത്തോടും പങ്കെടുത്ത ഓരോരുത്തർക്കും ജിഐസിയുടെ പേരിൽ ഔപചാരികമായ നന്ദി രേഖപ്പെടുത്തി.