"ശ്രാവണചന്ദ്രികയ്ക്കൊരു ചുടുമുത്തം "
ഡോ. മാത്യു ജോയിസ്, ലാസ് വേഗാസ്
പണ്ടെങ്ങോ ഞാനൊരു കൊച്ചുകുട്ടിയായ്
കളിപ്പാട്ടത്തിനായ് കിണുങ്ങി കരയുമ്പോൾ,
പറഞ്ഞുപറ്റിച്ചെൻ മുത്തശ്ശി പലരാവിലും
അമ്പിളിമാമനെ നിനക്കായ് പിടിച്ചുതരാമെന്ന് .
അന്നത്തെ മുത്തശ്ശിതൻ പ്രായത്തിൽ
ഇന്നു ഞാനെത്തി, നൽ ഓഗസ്റ്റ് മാസത്തിൽ
ചരിത്രം കുറിക്കുന്നെൻ കളിപ്പാട്ടമാം ചന്ദ്രയാൻ
മുത്തമിട്ടുനിൽക്കുന്നതു കാൺമീൻ
അമ്പിളിമാമൻ തൻ ദക്ഷിണധ്രൂവത്തിൽ !
ഇതു മിത്തല്ല, മിഥ്യയുമല്ലഹോ,
ഇന്ഡ്യയാമെൻ ഐതിഹാസിക നിമിഷമേ!