കാനഡയിലെ ഹൗസിംഗ് വിപണി മാന്ദ്യം വിട്ട് വളർച്ചയുടെ പാതയിലെന്ന് RBC റിപ്പോർട്ട്

 

 

RBC യുടെ പുതിയ റിപ്പോർട്ട് അനുസരിച്ച്, കാനഡയിലെ ഹൗസിംഗ് വിപണി ഒരു വർഷം നീണ്ടുനിന്ന മാന്ദ്യത്തിൽ നിന്ന് കരകയറിയതായി പറയുന്നു. മിക്ക പ്രധാന വിപണികളിലും വിൽപ്പനക്കാർക്കാണ് ഇപ്പോൾ മുൻതൂക്കം. ഏപ്രിലിൽ രാജ്യത്തുടനീളമുള്ള ഭവന വിൽപ്പന 11.3% വർദ്ധിച്ചത് 2023 ലെ വസന്തകാലം ഒരു വഴിത്തിരിവായി മാറിയതിന്റെ ലക്ഷണമാണെന്ന് RBC സീനിയർ ഇക്കണോമിസ്റ്റ് റോബർട്ട് ഹോഗ് പ്രസ്താവിച്ചു.

ബാങ്ക് ട്രാക്ക് ചെയ്ത വിപണികളുടെ എല്ലാം ശരാശരി ബെഞ്ച്മാർക്ക് വില ഉയർന്നു. ടൊറന്റോയിൽ 2.4% വർദ്ധനവ് ഉൾപ്പെടെ, ഇത് ശരാശരി വില $1.1 മില്യൺ ആയി ഉയർത്തി. ടൊറന്റോയിലും വാൻകൂവറിലും ഗണ്യമായ തിരിച്ചുവരവുകൾ സംഭവിച്ചതായി റിപ്പോർട്ട് എടുത്തുകാണിക്കുന്നു. വീടുകളുടെ പുനർവിൽപന പ്രതിമാസം യഥാക്രമം 27%, 25% എന്നിങ്ങനെ വർദ്ധിച്ചു. ബാങ്ക് ഓഫ് കാനഡ അതിന്റെ ഉയർന്ന പലിശ നിരക്ക് വർദ്ധന താൽക്കാലികമായി നിർത്തിയത് ഉപഭോക്താക്കൾക്ക് ആശ്വാസകരമായിട്ടുണ്ട്. ടൊറന്റോയിലെ വിലകൾ കഴിഞ്ഞ ഒരു വർഷ കാലയളവിൽ 7.8% ഇടിഞ്ഞെങ്കിലും, ഇപ്പോൾ അവ രണ്ട് മാസ കാലയളവിൽ തുടർച്ചയായി ഉയർന്നു. ഈ രീതിയിൽ വിപണി തുടർന്നാൽ വരും മാസങ്ങളിൽ വിലയിൽ കൂടുതൽ നേട്ടമുണ്ടാകും എന്ന് റിപ്പോർട്ട് സൂചിപ്പിക്കുന്നു.