എയര്‍ബിഎന്‍ബിയിലെ നിയമവിരുദ്ധമായ വാടകക്കാര്‍ക്ക് 100,000 ഡോളര്‍ പിഴ: ബില്‍ പാസാക്കാനൊരുങ്ങി ക്യുബെക്ക്
By: 600002 On: May 10, 2023, 11:17 AM
ഷോര്‍ട്ട്-ടേം റെന്റല്‍ നിരക്കുകള്‍ വെട്ടിക്കുറയ്ക്കാനും എയര്‍ബിഎന്‍ബി പോലുള്ള പ്ലാറ്റ്‌ഫോമുകളിലെ നിയമങ്ങള്‍ കര്‍ശനമാക്കുന്നതിനുമുള്ള ബില്‍-25 നാഷണല്‍ അസംബ്ലിയില്‍ അവതരിപ്പിച്ചു. ടൂറിസം മിനിസ്റ്റര്‍ കരോലിന്‍ പ്രൂള്‍ക്‌സ് അവതരിപ്പിച്ച ബില്ലില്‍ വീടുകളും അപ്പാര്‍ട്ട്‌മെന്റുകളും വാടകയ്‌ക്കെടുക്കുന്നവര്‍ക്കും ഉടമകള്‍ക്കും കൂടുതല്‍ നിയന്ത്രണങ്ങള്‍ കൊണ്ടുവരികയും നിയമങ്ങള്‍ പാലിക്കാത്തവര്‍ക്ക് കനത്ത പിഴ ചുമത്തുകയും ചെയ്യുമെന്ന് ചൂണ്ടിക്കാണിക്കുന്നു. പുതിയ നിയമങ്ങള്‍ക്കെതിരായി പ്രവര്‍ത്തിക്കുന്നവര്‍ക്ക് 50,000 ഡോളര്‍ വരെയും മറ്റെല്ലാ കേസുകള്‍ക്കും 100,000 ഡോളര്‍ വരെയുമാണ് പിഴത്തുക. ഓരോ കുറ്റത്തിനും പിഴ ഈടാക്കുമെന്ന് മന്ത്രി മാധ്യമങ്ങളോട് പറഞ്ഞു.
ഹ്രസ്വകാല വാടക യൂണിറ്റുകള്‍ക്ക് പ്രവിശ്യയില്‍ നിന്നുള്ള സര്‍ട്ടിഫിക്കറ്റ് ആവശ്യമാണ്. കൂടാതെ സര്‍ട്ടിഫിക്കറ്റോ കാലഹരണപ്പെടുന്ന തീയതി ഇല്ലാത്ത ഒരു ലിസ്റ്റിംഗ് പ്രസിദ്ധീകരിക്കുന്നത് നിയമവിരുദ്ധമാക്കും.
വാടകക്കാര്‍ക്ക് ഓരോ ലിസ്റ്റിംഗിനും ഒരു സര്‍ട്ടിഫിക്കറ്റ് ഉണ്ടായിരിക്കണം. കോണ്ടോ അല്ലെങ്കില്‍ ബില്‍ഡിംഗ് ഉടമയില്‍ നിന്ന് അനുമതി ലഭിച്ചതിന് ശേഷം മള്‍ട്ടി-യൂണിറ്റ് കെട്ടിടങ്ങളുടെ പ്രധാന കവാടത്തില്‍ പതിപ്പിക്കുകയും വേണം. എല്ലാ റെന്റല്‍സിനും നഗരത്തില്‍ നിന്നോ ബറോയില്‍ നിന്നോ രേഖാമൂലമുള്ള അനുമതി ആവശ്യമാണ്. ഇത് ഇതിനകം തന്നെ നിയമമാണ്.