ഒക്ടോബറില്‍ കാനഡയിലെ ആറ് പ്രവിശ്യകളില്‍ മിനിമം വേതനം ഉയര്‍ത്തും 

ഒക്ടോബര്‍ ഒന്നിന് കാനഡയിലെ ആറ് പ്രവിശ്യകളില്‍ റീജിയണല്‍ മിനിമം വേജ് നിരക്ക് ഉയര്‍ത്തുമെന്ന് റിപ്പോര്‍ട്ട്. ഒന്റാരിയോ, മാനിറ്റോബ, സസ്‌ക്കാച്ചെവന്‍, നോവ സ്‌കോഷ്യ, ന്യൂഫൗണ്ട്‌ലാന്‍ഡ് ആന്‍ഡ് ലാബ്രഡോര്‍, പ്രിന്‍സ് എഡ്വേര്‍ഡ് ഐലന്‍ഡ് എന്നീ പ്രവിശ്യകളാണ് മിനിമം വേതനം ഉയര്‍ത്തുന്നത്. 

ഈ മാസം ആദ്യം കാനഡയുടെ ഫെഡറല്‍ മിനിമം വേതനം 15.55 ഡോളറില്‍ നിന്ന് 16.65 ഡോളറായി ഉയര്‍ത്തിയിരുന്നു. ഒന്റാരിയോയില്‍ 15.50 ഡോളറില്‍ നിന്ന് 16.55 ഡോളറായാണ് മിനിമം വേതനം ഉയര്‍ത്തുന്നത്. മിനിമം വേതനം ഉയര്‍ത്തുന്ന മറ്റ് പ്രവിശ്യകള്‍: 

മാനിറ്റോബ:  14.15 ഡോളറില്‍ നിന്നും 15.30 ഡോളറാകും 

സസ്‌ക്കാച്ചെവന്‍: 13.00 ഡോളറില്‍ നിന്നും 14 ഡോളറാകും

നോവ സ്‌കോഷ്യ: 14.00 ഡോളറില്‍ നിന്നും 15.00 ഡോളര്‍ 

ന്യൂഫൗണ്ട്‌ലാന്‍ഡ് ആന്‍ഡ് ലാബ്രഡോര്‍: 14.50 ഡോളറില്‍ നിന്നും 15.00 ഡോളര്‍ 

പ്രിന്‍സ് എഡ്വേര്‍ഡ് ഐലന്‍ഡ്: 14.50 ഡോളറില്‍ നിന്നും 15.00 ഡോളറായി ഉയര്‍ത്തും 

2024 ഒക്ടോബറില്‍ തങ്ങളുടെ ഫെഡറല്‍ മിനിമം വേതനം മണിക്കൂറിന് 14.00 ഡോളറില്‍ നിന്നും 15.00 ഡോളറായി ഉയര്‍ത്തുമെന്ന് സസ്‌ക്കാച്ചെവന്‍ ഇതിനകം പ്രഖ്യാപിച്ചിട്ടുണ്ട്.